Մարտի 15-ին Բեռլինի Հարդենբերգշտրասե 16-ում թուրք երիտասարդ ֆաշիստները առանձնահատուկ հարգանքով, ծաղիկներով իրենց սերն ու նվիրվածությունը հաստատեցին Հայոց ցեղասպանության գլխավոր կազմակերպիչներից Թալեաթ փաշայի հանդեպ, որին 105 տարի առաջ նույն փողոցում դիմահար կրակոցով սպանել էր հայ վրիժառու, արդարության մարտիկ Սողոմոն Թեհլիրյանը:
X-ում Efeibram@ Tugrul Moskowits անունով օգտատերը տարածել է տեսանյութ կից գրությամբ՝ «Որպես Հանրապետության արժեքներին հավատարիմ թուրք երիտասարդներ, մենք կրկին հիշատակեցինք կայսերական դարաշրջանի ներքին գործերի մեր վերջին նախարար Թալեաթ փաշային այն փողոցում, որտեղ նա նահատակվեց Բեռլինում 1921 թվականին»։
Բեռլինի ոստիկանությունն արտոնել էր ոճրագործ Թալեաթի սպանության օրը նրան մեծարել:
Բեռլինի ոստիկանության ծանուցումից իրազեկ էինք դարձել, որ մարտի 15-ին, ժամը 11-11.30-ին Հարդենբերգշտրասե 16 հասցեում հավաքի արտոնություն էր տրվել ՝ «Ի հիշատակ արդի Թուրքիայի ճարտարապետ եւ հեղափոխական Թալեաթ փաշայի սպանության»:
Կարդացեք նաև
Նույն օրը ժամը 11-ին Բեռլինի Հարդենբերգշտրասե 22 հասցեում հանրահավաք էր նախաձեռնել Ռասիզմի, ազգայնականության եւ խտրականության դեմ ակտիվիստների միությունը( AKEBI):
Անահիտ Հովսեփյան
Նյութն ամբողջությամբ՝ սկզբնաղբյուր կայքում:
