ԱԺ «Պատիվ ունեմ» դաշինքի պատգամավոր, Արցախի Հանրապետության նախագահի նախկին խորհրդական Տիգրան Աբրահամյանի ֆեյսբուքյան գրառումը
Իշխանության կանխատեսելի գործողությունները «Հրապարակ» թերթի խմբագիր Արմինե Օհանյանի, ինչպես նաև արցախյան պատերազմում նահատակված հերոսի քրոջ՝ բազմազավակ մոր նկատմամբ, գալիս են լրացնելու իշխանությունների այլանդակությունների այն շղթան, որը արդեն 8 տարի է՝ հասարակությանը պահում է մշտական ալեկոծության մեջ։
Բայց խնդիրը ապօրինաբար գործող «իրավապահ» կառույցների երևացող թիրախները չեն, այլ հասարակությունը, որին իշխանությունն ամեն գնով փորձում է ահաբեկել՝ պասիվացնելով ակտիվության ցանկացած դրսևորում։
Բռնատիրական երկիր՝ դրա կերպարից բխող ճնշումներ, ազատ խոսքի սահմանափակումներ և անբարոյական վարքագիծ։
Կարդացեք նաև
«ՀայաՔվե» նախաձեռնության հայտարարությունը
«ՀայաՔվե» ազգային քաղաքացիական միավորումն իր զորակցությունն է հայտնում «Հրապարակ» օրաթերթի գլխավոր խմբագիր, հայտնի հանրային գործիչ Արմինե Օհանյանին` վարչախմբի սանձազերծած հերթական շինծու հետապնդման դեմ պայքարում:
Վստահ ենք, որ Արմինե Օհանյանը և «Հրապարակի» խմբագրակազմը հաղթահարելու են այս փորձությունը:
«ՀայաՔվեն» լիովին սատարում է «Հրապարակին» ազատ մամուլի կայացման և վարչախմբի կամայականությունների մերկացման կարևոր հանձնառության հարցում»:
