«Հայաստան» դաշինքի պատգամավորները` ՀՀ երկրորդ նախագահ Ռոբերտ Քոչարյանի գլխավորությամբ, այսօր հանդիպում ունեցան Աշտարակի բնակիչների հետ։ Իշխան Սաղաթելյանն ասաց, որ հայ ժողովուրդը կանգնած է պատմության բարդ, վճռորոշ փուլում, և որ առաջիկա ընտրությունները ճակատագրական նշանակություն կարող են ունենալ. մեր երկրի լինել-չլինելն է կախված ընտրությունների արդյունքից։
«Սա ընթացիկ ընտրություն չէ, այլ գոյաբանական հարց է, ընտրություններից է կախված մեր երկրի ինքնիշխանության ու տարածքային ամբողջականության պահպանումը»,-ասաց պատգամավորը։
Նա նաև խոսեց ներկայիս իշխանության վերարտադրման դեպքում հայ ժողովրդին սպասվող սպառնալիքներից։ Ըստ նրա, եթե այս չարիքի իշխանությունը չհեռանա, Ալիևի պահանջով կփոխվի մեր Սահմանադրությունը, ստիպված կլինենք այդ նույն Ալիևի այլ պահանջներ ևս կատարել, Հայաստանը կբնակեցվի 300 հազար ադրբեջանցիներով։
Կարդացեք նաև
Իշխան Սաղաթելյանի ձևակերպմամբ` սա ընտրություն է նվաստացման ու արժանապատվության միջև, հանձնողի ու հաղթողի միջև։
Մանրամասները` տեսանյութում
Նունե ԱՐԵՎՇԱՏՅԱՆ
