«Անկախության հռչակագրի, ՍԴ կամ Գերագույն դատարանի վերաբերյալ հարցերին, եթե թույլ տաք՝ չեմ պատասխանի՝ ոչ թե նրա համար, որ չունեմ այս հարցերի պատասխանը, այլ այս հարցերը՝ ձեր կողմից դրական քվեի արժանանալու պարագայում, կարող են դառնալ ՍԴ-ում քննարկման առարկա եւ ես ստիպված պետք է լինեմ այնտեղ պատասխանել այս հարցերին։ Եթե պատասխանեմ այսօր, ստիպված պետք է լինեմ ՍԴ-ում ձեռնպահ մնալ այս հարցերի քննարկումներից, իսկ ես մտածում եմ եւ ՍԴ, ՍԴ դատավորի կարգավիճակը պարտադրում են անաչառություն, որ դու հրապարակային ելույթներում թույլ չտաս այնպիսի հարցերին անդրադարձ, որոնք կարող են քննարկման առարկա դառնալ ՍԴ-ում։ Ես ոչ թե խուսափում եմ պատասխանից, ես տվել եմ միակ հնարավոր պատասխանը, որը կարող է տալ ՍԴ դատավորի թեկնածուն»,- խորհրդարանում իր նախկին կուսակից Հովիկ Աղազարյանին պատասխանեց Վլադիմիր Վարդանյանը։
Խորհրդարանը, հիշեցնենք, քննարկում է ՍԴ դատավորի պաշտոնում Վլադիմիր Վարդանյանի առաջադրման հարցը։
Հովիկ Աղազարյանը հետաքրքրվել էր՝ հնարավո՞ր չէ Սահմանադրությունում այնպիսի հավելում-լրացումներ անել, որոնք թույլ կտան հստակ ամրագրելու, որ ՀՀ-ն իր հարեւաններից տարածքային պահանջներ չունի եւ այդ պարագայում էլ անհրաժեշտություն չի լինի Սահմանադրության ներածությունից Անկախության հռչակագիրը հանել, ինչի մասին հայտարարեց Նիկոլ Փաշինյանը։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
