«Անհայրենիքները պետությունից գողացողներն են, որոնց մեջ, կարծեմ, ընտանիքի անդամ ունեք»,- ԱԺ հայտարարությունների ժամին «Պատիվ ունեմ» խմբակցության պատգամավոր Աննա Մկրտչյանին ասաց ԱԺ ՔՊ-ական փոխնախագահ Հակոբ Արշակյանը։
Նա արձագանքում էր Աննա Մկրտչյանի այն գնահատականին, որ ՔՊ-ականներն անհայրենիք են եւ դրա վկայությունը Սահմանադրության տեքստից Անկախության հռչակագրի հանումն է։ «Վաղուց ժամանակն է, որ իրենք վերցնեն իրենց թուրքական նշաձողը եւ հեռանան, պարզապես անհետանան ՀՀ-ի եւ հայ ժողովրդի կյանքից»,- ասաց Աննա Մկրտչյանը։
Հակոբ Արշակյանի ելույթից հետո ԱԺ դահլիճում լեզվակռիվ սկսվեց Աննա Մկրտչյանի եւ ՔՊ-ական պատգամավորներից մեկի միջեւ։ Հակադարձելով նրան՝ Աննա Մկրտչյանն ասաց․ «Անբարոյականը դուք եք»։ Միջամտեց Հակոբ Արշակյանը՝ վիրավորելով Աննա Մկրտչյանին․ «Տիկին Մկրտչյան, խնդրում եմ ձեր դաստիարակության մակարդակը ամեն անգամ այստեղ մի ցույց տվեք։ Մենք ձեզ շատ լավ ճանաչում ենք, ձեր ընտանիքն էլ ենք ճանաչում, ձեր վրա թվագրված քրեական գործերն էլ գիտենք»։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
