Խորհրդարանում քննարկվում է Մրցակցության եւ սպառողների շահերի պաշտպանության հանձնաժողովի անդամի թեկնածության հարցը։
ԱԺ «Հայաստան» եւ «Պատիվ ունեմ» խմբակցությունները Մրցակցության եւ սպառողների շահերի պաշտպանության հանձնաժողովի անդամի պաշտոնում առաջադրել են «Հայաստան» խմբակցության պատգամավոր Թադեւոս Ավետիսյանի թեկնածությունը։ Պաշտոնավարումը հինգ տարի ժամկետով է։
«Տնտեսական հանձնաժողովում մենք առանց ընդդիմությա՞ն ենք մնալու»՝ Թադեւոս Ավետիսյանի թեկնածությունը ներկայացնող Արծվիկ Մինասյանին հարցրեց ԱԺ տնտեսական հարցերի հանձնաժողովի նախագահ Բաբկեն Թունյանը։ Արծվիկ Մինասյանը հույս հայտնեց, որ հանձնաժողովի աշխատանքներում Թադեւոս Ավետիսյանի բացակայությունը կործանարար չի լինի, մանավանդ, որ այս խորհրդարանի գործունեությանը մոտավորապես երկու ամիս ժամանակ է մնացել։
«Դուք չասացիք՝ պարոն Ավետիսյանը կգնա, բայց երկու պատգամավոր ունենք՝ կգան կմասնակցեն։ Ասացիք՝ ոչինչ, յոլա գնացեք»,- նկատեց Բաբկեն Թունյանը՝ հավելելով, որ իրեն հետաքրքիր է ընդդիմության վերաբերմունքը հանձնաժողովի աշխատանքներին։ Արծվիկ Մինասյանը խոստացավ՝ պատշաճ ներկայացվածություն կլինի։
Կարդացեք նաև
Մանրամասները՝ տեսանյութում
Ամբողջական տեսանյութը՝ այստեղ.
Նելլի ԳՐԻԳՈՐՅԱՆ
