Sputnik Armenia. Հովիկ Աբրահամյանի գործով Արտաշատ համայնքը տուժող կողմ է ճանաչվել, նման որոշում է կայացրել Հակակոռուպցիոն դատարանը։
«2018թ-ից քննում են այս գործը, եթե կարծում էին, որ տուժող կողմ է, ուրեմն պետք է տուժող ճանաչվեր, բայց այդպես չի եղել։ Արտաշատ համայնքը շատ լավ տեղյակ է այս գործընթացների մասին, իրեն տուժող չի համարել, չի եկել, իրեն տուժող չի ճանաչվել։ Այսօր հանկարծ դատախազը դատաքննության փուլում գրություն է ուղարկում Արտաշատ համայնք, ասում է՝ «եկեք, տուժող ճանաչվեք»։ Կարելի է ասել՝ թաքնված պարտադրանք է»,- դատական նիստից հետո 24news.am-ի հետ զրույցում ասաց Աբրահամյանի պաշտպան Երեմ Սարգսյանը։
