«Դուք ձեզ մի ծածկեք ոչ մի բանով։ Դուք մերկ եք եւ դա երեւում է»,- խորհրդարանում ընդդիմությանը, մասնավորաբար «Հայաստան» դաշինքի անդամներին դիմեց իշխող «Քաղաքացիական պայմանագիր» խմբակցության անդամ Ծովինար Վարդանյանը։ Նա մեղադրեց ընդդիմադիրներին «Տիկ-տոկ» սոցիալական ցանցում հերոսի կերպարներով դրսեւորվելով, սպարապետ Վազգեն Սարգսյանով «ծածկվելով»։
Իշխանական պատգամավորի վրդովմունքի առիթը «Հայաստան» խմբակցության պատգամավորներ Ագնեսա Խամոյանի եւ Աննա Գրիգորյանի՝ երկրորդ նախագահ Ռոբերտ Քոչարյանի հետ փոդքաստն է, որի ժամանակ քննարկվել էր Նիկոլ Փաշինյանի վեճն արցախցի Արմինե Մոսիյանի հետ, որի ժամանակ, ըստ Ծովինար Վարդանյանի, Նիկոլ Փաշինյանը գուցեեւ էմոցիոնալ էր։ Հիշեցրեց՝ հայտնի դեպքը՝ «Առագաստ» սրճարանում, երբ «պրիվետ Ռոբ» արտահայտության համար Ռոբերտ Քոչարյանի թիկնապահը ծեծելով սպանեց Պողոս Պողոսյանին:
Ծովինար Վարդանյանին դուր չի եկել նաեւ Ռոբերտ Քոչարյանի որդու՝ պատգամավոր Լեւոն Քոչարյանի ուղերձը Արմինե Մոսիյանին՝ «Մենք ձեզ հետ ենք»։ Հարցրեց՝ «Առագաստ» սրճարանի դեպքի ժամանակ ո՞ւր էիք, ո՞ւմ հետ էիք»։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
