«Պարոն Երիցյանին հասցրեցի՞ք հարցնել՝ 2007 թվականից սկսած, ի վերջո, հեռախոսների ներկրման մոնոպոլիան Ռոբերտ Քոչարյանի որդո՞ւ ձեռքին էր, կա՞ր այդպիսի բան, թե՞ չկա։ Քիչ առաջ այստեղ քննարկվում էին 2008 թվականին «Նոկիա» հեռախոսների ներկրման եւ տնտեսական մրցակցության խաթարման, վատ գործարար միջավայրի մասին հարցեր»,- ԱԺ նիստում ՀՀ բարձր տեխնոլոգիական արդյունաբերության նախարար Մխիթար Հայրապետյանին հարցրեց «Պատիվ ունեմ» խմբակցության պատգամավոր Թագուհի Թովմասյանը։
Մխիթար Հայրապետյանը ներկայացնում էր Ներսես Երիցյանի թեկնածությունը՝ Տեղեկատվական համակարգերի կարգավորման հանձնաժողովի նախագահի պաշտոնում։
«Ոչ, չհասցրի հարցնել»,- եղավ Մխիթար Հայրապետյանի պատասխանը։
Թագուհի Թովմասյանը նաեւ նկատել էր՝ Ներսես Երիցյանը 2007 թվականից քաղաքական պաշտոններ է զբաղեցրել Ռոբերտ Քոչարյանի եւ Սերժ Սարգսյանի կառավարությունների կաբինետներում․ «Ինչպե՞ս է ընտրությունը կանգ առել հենց Ներսես Երիցյանի վրա, հաշվի առնելով, որ նախկին մի շարք պաշտոնյաներ Հակակոռուպցիոն դատարանում են: Ինչո՞ւ պիտի Հովիկ Աբրահամյանն, օրինակ` չլինի ձեր նախընտրելիների ցուցակում, գնա դատարան, Ներսես Երիցյանը գա այստեղ»։
Կարդացեք նաև
Մխիթար Հայրապետյանը հեգնեց՝ ասելով, որ Ներսես Երիցյանի հիշողության մեջ այս նիստն առանձնահատուկ բացասական իմաստով կմնա, Թագուհի Թովմասյանի կողմից իրեն Հովիկ Աբրահամյանի հետ համեմատելու համար։ Այդ համեմատականներին դժվարացավ ռացիոնալ կերպով անդրադառնալ։ Ասաց՝ 2018-ից հետո Ներսես Երիցյանն իր մասնագիտական խորը գիտելիքների եւ կարողությունների համար է դիտարկվել տարբեր պաշտոններում։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
