Ադրբեջանի ՄԻՊ Սաբինա Ալիևան միջազգային հանրությունից պահանջել է 1918թ. իրադարձությունները ճանաչել որպես «ցեղասպանություն»։
Ըստ ադրբեջանական ԱՊԱ գործակալության՝ նա նշել է. «1918 թվականի մարտ-ապրիլյան իրադարձությունների ընթացքում քաղաքացիական բնակչության սպանությունն՝ իրենց ազգային և կրոնական պատկանելության համար և ցեղասպանության հանցագործությունները, ցավոք, մինչ օրս միջազգային մակարդակով արդարացի գնահատական չեն արժանացել»:
Այնուհետեւ, նա հավելել է. «Միջազգային կազմակերպությունները և ՄԱԿ-ի անդամ պետությունները պետք է սկզբունքային դիրքորոշում որդեգրեն հայերի կողմից ադրբեջանցիների դեմ իրականացված էթնիկ զտումների և ցեղասպանության հանցագործությունների շարքի հարցում և 1918-ի իրադարձությունները ճանաչեն որպես ցեղասպանություն», ասվում է Ալիևայի հայտարարության մեջ:
