«Ապառաժ». Մարտի 31-ին կայացել է ԱՀ Հանրային խորհրդի հերթական նիստը՝ օրակարգային հարցերի քննարկմամբ։
Նիստի մասնակիցներն անդրադարձել են առաջիկա օրերին սպասվող միջոցառումների կազմակերպական մի շարք հարցերի, ինչպես նաև, վերջին շրջանում հանրային խոսույթում տարածվող արցախցիների նկատմամբ ատելության խոսքին ու խտրական վերաբերմունքի դեմ պայքարի խոչընդոտներին։
Քննարկվել է նաև արցախցիների սոցիալական խնդիրների արդյունավետ լուծման եղանակների և ծրագրերի մշակման առաջնահերթությունը։
Նիստի ավարտին խորհրդի չորս հանձնաժողովների ղեկավարները ներկայացրել են իրենց գործունեության հաշվետվությունը։
