Բագրատ սրբազանի եւ մյուսների գործով դատական նիստում այսօր գործով մեղադրյալ գնդապետ Միհրան Մախսուդյանի պաշտպանը միջնորդեց Մախսուդյանի նկատմամբ կիրառված 5 միլիոն դրամ գրավը վերացնել, իսկ անհնարինության դեպքում գոնե նվազեցնել չափը եւ կիրառել 1 միլիոն դրամ:
Փաստաբանը հիշեցրեց, որ Մախսուդյանի նկատմամբ բացի 5 միլիոն դրամի գրավից կիրառված են այլընտրանքային այլ միջոցներ՝ վարչական հսկողություն, բացակայելու արգելք:
Ըստ փաստաբանի՝ 5 միլիոն դրամ գումարը Մախսուդյանի ընտանիքի կողմից վճարվել է Միհրան Մախսուդյանի վարկային գծում առկա 2 միլիոն դրամից եւ բարեկամներից ու ընկերներից պարտք վերցրած գումարներով:
Նա շեշտեց, որ Մախսուդյանը թոշակառու է, թոշակի չափը 215.600 դրամ է, նրանց ընտանիքում աշխատում է միայն նրա կինը ՝անհատ ձեռնարկատեր, որը ստանում է մոտ 79000 դրամ ու դժվարություն է առաջանում վարկային պարտավորությունները, պարտքերը մարելու եւ ընտանիքի հոգսերը հոգալու առումով:
Դատարանը բավարարեց պաշտպանի միջնորդությունը՝ 5 միլիոն դրամից գրավը իջեցնելով 1 միլիոն դրամի: Դատարանը թույլատրեց նաեւ Մախսուդյանին գնալ ֆիզոթերապիայի եւ օգտվել ատամնաբուժական ծառայութունից:
Կարդացեք նաև
Արփինե ՍԻՄՈՆՅԱՆ
