Մարտունի խոշորացված համայնքում՝ Ներքին Գետաշենում կայանում է «Միասնության թեւեր» քաղաքական նախաձեռնության անդամների հանդիպումը համակիրների եւ համախոհների հետ: «Միասնության թեւեր» քաղաքական նախաձեռնության անդամ Լիպարիտ Դրմեյանը նշեց, որ ինքը ծնունդով Գեղարքունիքի մարզից է: Ինչ վերաբերվում է «Միասնության թեւեր» քաղաքական նախաձեռնության անվանը, ասաց, որ այն խորհրդանշում է միասնությունը, որովհետեւ նրա ձեւակերպմամբ, անջրպետներ անցկացնելը, բաժան-բաժան անելն իրենց գիծը չէ, եւ իրենց նպատակն արժանապատիվ պայքարն է հանուն Հայաստանի Հանրապետության:
«Միասնության թեւեր» քաղաքական նախաձեռնության համահիմնադիր Դավիթ Անանյանն, ի թիվս այլնի, ասաց, որ ուզում է ներկաների հետ պարզ խոսել նրանց աշխատանքի ու այդ աշխատանքի արդյունքի մասին. «Դուք աշխատում եք, չարչարվում եք, բնության հետ կռիվ տալով հող եք մշակում, կարտոֆիլ եւ հացահատիկ եք աճեցնում, կաթ եք արտադրում, բայց այդ աշխատանքը միշտ չէ, որ դառնում է կայուն եկամուտ… Խնդիրն այն է, որ դուք աշխատում եք, բայց ձեր աշխատանքի իրական արժեքը դուք չէ, որ վաստակում եք: Լավագույն դեպքում դա ուրիշն է վաստակում, իսկ սովորաբար իրական արժեք չի էլ ստեղծվում: Եվ հենց այստեղից է, որ սկսվում է մեր առաջարկվող փոփոխությունը: Մենք ասում ենք՝ գյուղատնտեսությունը պետք է դառնա իրար հաջորդող գործընթացների փակ շղթա, այսինքն՝ հողից մինչեւ պատրաստի արտադրանք… Մենք ստեղծելու ենք ամբողջական շղթան, կապելու ենք գյուղատնտեսությունն արդյունաբերության հետ»:
Մանրամասն տեսանյությում.
Կարդացեք նաև
Լիպարիտ Դրմեյանը երիտասարդներին կոչ արեց լավ սովորել, որովհետեւ նրա ձեւակերպմամբ, բարեկեցիկ ապրելու համար կրթությունից զատ դեռեւս այլ նոր բան չի հորինվել, կրթությունն ունի առանցքային դեր ցանկացած երկրի զարգացման գործում, սակայն սահմանամերձ շրջաններում փակվում են դպրոցները, դատարկվում՝ գյուղերը:
Տեսանյութն՝ ամբողջությամբ.
Գոհար ՀԱԿՈԲՅԱՆ
