«Սպուտնիկ Արմենիա». Արդարացի կլիներ դիտարկել Ռուսաստանի աջակցության մասշտաբները, այլ ոչ թե շահարկել գների ենթադրյալ փոփոխությունները. ՌԴ խորհրդի փոխնախագահը՝ Ալեն Սիմոնյանի հայտարարության մասին:
Կոնստանտին Կոսաչևը իր Telegram ալիքում գրել է, որ հարցի ձևակերպումն այն ձևով, ինչպես այն ներկայացրել է ՀՀ ԱԺ նախագահը, սխալ է: Նա նաև հիշեցրել է Պուտինի և Փաշինյանի միջև վերջերս Կրեմլում տեղի ունեցած զրույցը։
«Ռուսաստանի նախագահը հստակ նկարագրեց ստեղծված իրավիճակը. «Էներգիայի, գազի գները Եվրոպայում կտրուկ աճում են՝ հասնելով 600 դոլարից ավելիի 1000 խորանարդ մետրի դիմաց, մինչդեռ Ռուսաստանը Հայաստանին գազ է վաճառում 177,50 դոլարով 1000 խորանարդ մետրի համար»: Նշեմ, որ սա որևէ ակնարկ չէ, այլ պարզապես փաստի արձանագրում: Սա այն իրականությունն է, որում այսօր ապրում է ՀՀ–ն»։
Գազի ներկայիս գինը նաև հզոր խթան է Հայաստանի տնտեսության բազմաթիվ ոլորտների զարգացման համար, նշել է քաղաքական գործիչը՝ կոչ անելով իր հայ գործընկերներին արդար վերլուծություն անել։
