«Ահա թե ինչ է լինում, երբ հոգով բոմժը դառնում է վարչապետ»,- այսպես է «Ուժեղ Հայաստան» կուսակցության քաղաքական խորհրդի անդամ Նարեկ Կարապետյանն արձագանքել վարչապետ Նիկոլ Փաշինյանի սպառնալիքին:
Հիշեցնենք, նա հայտարարել էր. «Կալուգացի Սամվելն իր խոսնակների միջոցով ինձ հորդորում է չվախենալ: Ախր ոնց չվախենամ, վախենում եմ մինչև տարվա վերջ միլիարդատերից դառնաս բոմժ»:
Կարդացեք նաև
Սա էլ իր հերթին արձագանք էր է «Ուժեղ Հայաստան» կուսակցության խորհրդի անդամ Ալիկ Ալեքսանյանին, որը մասնավորապես ասել էր. «Նիկոլ Փաշինյան, դու այնքան ես վախեցած Սամվել Կարապետյանից, որ ամբողջ օրը մեզանով ես զբաղված: Այդքան էլ ասում ենք՝ այդքան մի վախի Սամվել Կարապետյանից, այդ մարդը քեզ հաստատ վատ բան չի անի: Փորձում ես մեզ լռեցնել, կփորձես կալանավորես, էլ եսիմ ինչեր անես, չի ստացվելու: Նիկոլ Փաշինյան, վախիցդ անգամ հրահանգ ես տվել մեր դաշինքի կողքից Սամվել Կարապետյան անունը հանել»:
Լուսանկարը՝ արխիվային
