Կառավարությունն այսօրվա նիստում ընդունեց որոշում՝ Համահայկական խաղերի համաշխարհային կոմիտե ՀԿ-ի կողմից մարզական ավան ստեղծելու ծրագրի վերաբերյալ։
Նիկոլ Փաշինյանը դիմեց Սփյուռքի ներկայացուցիչներին։ «Մենք Սփյուռքի մեր հարգելի գործընկերներին, ովքեր ներգրավված են կամ ուզում են ներգրավվել համահայկական խաղերի կազմակերպման, զարգացման եւ սպորտային տուրիզմի ու բիզնեսի ոլորտում, հրավիրում ենք այստեղ մասնակցելու, ներդրումներ անելու եւ Հայաստանի հետագա զարգացմանը մասնակցելու։ Վերջին տարիներին Սփյուռքից ՀՀ ներդրումների էական ակտիվություն է նկատվում։ Մենք տասնյակ ներդրումներ ունենք, այս նախագիծն էլ Սփյուռքի գործընկերների ներդրումային պատրաստակամությունն է, ովքեր ներգրավված են համահայկական խաղերի կազմակերպման գործում»,- ասաց նա։
Մանրամասները՝ տեսանյութում
Կարդացեք նաև
Նիկոլ Փաշինյանը նաեւ անդրադարձավ Սփյուռքի կազմակերպություններին․ «Էսօր բազմաթիվ մարդիկ, ովքեր իրենք վերապահում են իրավունք Սփյուռքի անունից խոսել, ընդհանրապես Սփյուռքի մարդկանց հետ ոչ մի կապ չունեն։ Այսինքն՝ ինչ-որ գրասենյակներ, խմբեր, ակումբներ կան, ովքեր տենց իրենց վերապահում են Սփյուռքի անունից խոսել։ Ընդհանրապես ես ուզում եմ պաշտոնապես ասել, որ էդ մարդիկ ընդհանրապես Սփյուռքը չեն, իրենք Սփյուռքից են, բայց Սփյուռքը չեն։ Իրենք Սփյուռքում այլեւս էնքան ճնշող փոքրամասնություն են, որ ես միանշանակ ասում եմ, որ իրենք ընդամենը լուսանցքային կազմակերպություններ են։ Եվ Հայաստանի կառավարությունն այդ կազմակերպությունների հետ ընդհանրապես ավելի ու ավելի քիչ է գործ ունենալու եւ ի վերջո ընդհանրապես գործ չի էլ ունենալու, որովհետեւ էդ կազմակերպությունները, ինչպես ասում են, անունը կա, ամանումը չկա»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
Սփյուռքի գործերի գլխավոր հանձնակատար Զարեհ Սինանյանի հետ Նիկոլ Փաշինյանի լուսանկարը՝ արխիվային
