Թուրքիայում տարբեր քրեական գործերի շրջանակում ձերբակալվել է երկրի գլխավոր ընդդիմադիր ուժը համարվող «Ժողովրդահանրապետական» կուսակցության (CHP) 2 ներկայացուցիչ:
Մասնավորապես Իզմիրի Բորնովա շրջանի քաղաքապետ Օմեր Էշքին ձերբակալվել է «բանկոմատի աշխատակիցների» գործով։
Քննության տվյալներով՝ քաղաքապետարանում գրանցված աշխատակիցներից մեկը փաստացի չի իրականացրել իր պարտականությունները, սակայն ստացել է աշխատավարձ։ Այս գործի շրջանակում ձերբակալվել է ևս 3 անձ։ Նրանց մեղադրանք է առաջադրվել խարդախության և պաշտոնական փաստաթղթերի կեղծման համար։
Միևնույն ժամանակ, ձերբակալվել է Անկարայում ԺՀԿ-ի նահանգային կառույցի ղեկավար Ումիթ Էրքոլը։ Նա ձեբակալվել է «İZBETON» ընկերության հետ անչվող «համագործակցային խախտումների» մասով հարուցված հետաքննության շրջանակում: Ըստ դատախազության՝ ընդհանուր առմամբ Էրքոլից բացի ևս 10 անձի նկատմամբ է ձերբակալման որոշում կայացվել, որոնցից 9-ն արդեն ձերբակալված է։
Կարդացեք նաև
Քննության շրջանակում դիտարկվում են յուրացման, խարդախության, պաշտոնեական կեղծիքի և վերահսկողության պարտականությունները չկատարելու վերաբերյալ մեղադրանքներ։
