«ՀՀ-ում էլեկտրաէներգիայի սպառումն ավելացել է, այն կազմում է 7,2 մլրդ կիլովատտ/ժամ, աճը կազմել է 6,6 տոկոս։ Ընդհանուր էլեկտրաէներգիայի արտադրանքի աճը կազմել է 6,7 տոկոս»,- ԱԺ նստաշրջանում կառավարության 2021-2026 թվականների ծրագրի ներկայացման ժամանակ ասաց ՏԿԵ նախարար Դավիթ Խուդաթյանը։
«Կցանկանամ էլեկտրաէներգետիկական ազատականացված շուկայի հիմնական ցուցանիշներին անդրադառնալ։ Նախորդ տարվա ընթացքում էլեկտրաէներգիայի ամբողջ արտադրանքի 33,3 տոկոսը վաճառվել է ազատականացված շուկայում, աճը կազմել է 27,3 տոկոս։ Շուրջ 111 հազար գործարք է կնքվել ազատականացված շուկայում, աճը կազմել է 432 տոկոս»,- նշեց նա։
Անդրադառնալով Մեծամորի ատոմակայանի հարցին՝ Դավիթ Խուդաթյանը նշեց, որ ժամկետի երկարացման ծրագիրը շարունակվում է. «Այս պահին շահագործման ժամկետի երկարացման ծրագրով միջոցառումներ են իրականացվում՝ ատոմակայանը հաջորդ 10 տարիների համար եւս էներգահամակարգում պահելու նպատակով»։
Ըստ նախարարի՝ շարունակվել են նաեւ Իրան-Հայաստան կՎ լարման էլեկտրահաղորդման գծի եւ ենթակառուցվածքների ծրագրի շրջանակներում իրականացվող աշխատանքները։ Այս ուղղությամբ կա շուրջ 85 տոկոս կատարողական։
Կարդացեք նաև
Մանրամասները՝ տեսանյութում
Դավիթ Խուդաթյանը ներկայացրեց նաեւ ճանապարհաշինության, ջրամաբարաշինության եւ մյուս ոլորտներում իրականացվող աշխատանքները։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
