ՀՀ վարչապետ Նիկոլ Փաշինյանը, որն այսօր ի նշանավորումն Երևան-Գյումրի ավտոճանապարհի շինարարության ավարտի, ավտոերթ էր կազմակերպել և որին Գյումրիից միացել էին իր համակիրները՝ այս քաղաքի կայարանամերձ հրապարակից շարժվելով դեպի Երևան ու ճանապարհին դիմավորելով Նիկոլ Փաշինյանին, նախկին տիկնոջ՝ Աննա Հակոբյանի հետ այս պահին արդեն զբոսնում է Գյումրու փողոցներում։
«Բարև ձեզ, բարի ծառայություն», «Բարև տղաներ, լա՞վ եք»,- բարձր տրամադրությամբ Գյումրու Ռիժկովի ճեմափողոցում բարևելով քայլում է Փաշինյանը՝ Աննա Հակոբյանի ուղեկցությամբ։
«Եղանակը վատը չէ արդեն, մենք գնում ենք սուրճ խմելու»,-ասաց վարչապետը։
Կարդացեք նաև
«Տղաներ լա՞վ եք, լա՞վ է տրամադրությունը, հեսա լիքը հաճախորդ է գալու, փոփ քորն պատրաստեք», -խորհուրդ տվեց Փաշինյանը։
Նշենք, որ Գյումրիում հորդառատ անձրև է, Վարդանանց հրապարակում այսօր տեղի է ունենալու «Խաղաղության ձայնը» երաժշտական փառատոնը, որին մասնակցելու է նաև «Վարչաբենդը»։ Նիկոլ Փաշինյանի պատվին փակվել են Գյումրու կենտրոնական փողոցները, ոստիկանական ուժեղ հսկողություն է այս քաղաքում։
Նունե ԱՐԵՎՇԱՏՅԱՆ
