«Ես՝ որպես Մարդու իրավունքների պաշտպան, չեմ կարող գովերգել որեւէ խոսքի տեսակ, որը խոսքի ազատության իրավաչափ սահմաններից դուրս է գտնվում։ Եվ այս տեսանկյունից մշտապես բոլոր դերակատարներին, այդ թվում՝ իշխող կուսակցության առումով ես մշտապես բարձրաձայնել եմ խնդիրը։ Կոչ եմ անում բոլոր քաղաքական դերակատարներին՝ ընդհանրապես զերծ մնալ թե ատելության խոսքից, թե վիրավորանք պարունակող խոսքից»,- Ազգային ժողովում լրագրողների հետ ճեպազրույցում ասաց ՄԻՊ Անահիտ Մանասյանը՝ անդրադառնալով հարցին, որ Գյումրու ավագանու ՔՊ խմբակցության ղեկավար Սարիկ Մինասյանը համացանցում հայհոյել էր քաղաքացուն, այնուհետեւ ներողություն խնդրել։
Հարցին, թե իրեն չի մտահոգո՞ւմ այն հանգամանքը, որ Նիկոլ Փաշինյանը «շուն-շանգյալ» որակեց ընդդիմադիրների ընտրազանգվածին, Մանասյանը պատասխանեց․ «Չկա երեւի մի դերակատար, որը չօգտագործի արգելված խոսքի տեսակներ։ Մշտապես բոլոր դերակատարների առումով ես կոչ եմ անում, որպեսզի ձեռնպահ մնան նման ձեւակերպումներից։ Իմ կոչը բոլորին է վերաբերում, եւ ես շատ կարեւորում եմ, որ իմ ձայնն այդ թվում՝ գործադիր իշխանության կողմից լսելի է այդ թվում՝ այս հարցերում»։
Հարցին, թե սա ընդդիմադիրների ընտրազանգվածի վրա ճնշում գործադրելու փա՞ստ չէ, նա պատասխանեց․ «Բազմաթիվ կուսակցություններ էլ ասում են, որ եթե ընտրեք իշխող կուսակցությանը, դուք կլինեք թուրք, դավաճան»։
Կարդացեք նաև
Ռոզա ՀՈՎՀԱՆՆԻՍՅԱՆ
