«Ազատություն». Մեծ Բրիտանիայի կառավարությունը նախօրեին հայտարարել է ռուսաստանյան մի շարք կառույցների և մոտ հինգ տասնյակ ռուսաստանցիների դեմ պատժամիջոցներ սահմանելու մասին։ Պաշտոնական Լոնդոնը նրանց մեղադրում է «Ուկրաինայում ժողովրդավարության թուլացման, ինչպես նաև հայաստանյան ընտրություններին միջամտելու փորձերի համար»։
Բրիտանական կառավարության պնդմամբ՝ պատժամիջոցների թիրախում հայտնված կառույցներից մեկը՝ Մոսկվայում գործող Սոցիալական նախագծման գործակալությունը, «արշավներ էր ծրագրում, որոնց նպատակը Հայաստանում ռուսամետ կազմակերպությունների ստեղծումն էր և իշխանափոխությունը՝ հօգուտ ռուսամետ գործիչների»։
Լոնդոնի պատժամիջոցների տակ հայտնված ևս մեկ ռուսական կառույց՝ АНО Диалог կազմակերպությունը, ըստ Միացյալ Թագավորության կառավարության, «Հայաստանի ներքին քաղաքականությանը միջամտելուն ուղղված իր պլանները համակարգում էր Ռուսաստանի հետախուզության հետ»։
Նյութն ամբողջությամբ՝ սկզբնաղբյուր կայքում:
