«Ութ տարի առաջ այս հրապարակում դեռևս մորուքավոր Նիկոլը դժգոհում էր, բողոքում էր, որ կայքերը գրում են՝ իբր ինքը եկել է՝ հողերը հանձնելու։ Ու ասում էր՝ երաշխավորում եմ, երբեք Արցախի հարցում միանձնյա որոշում չեմ կայացնելու, ժողովրդի մեջքի հետևում, փակ դռների հետևում երբեք թուղթ չեմ ստորագրելու։ Չորս տարի անց գնաց ու փակ դռների հետևում Արցախը միանձնյա հանձնեց թուրքին»,- Հանրապետության հրապարակում «Ուժեղ Հայաստան» դաշինքի հանրահավաքում ասաց պրոդյուսեր, հասարակական գործիչ Ռուբեն Մխիթարյանը։
Նա Նիկոլ Փաշինյանին կոչ արեց հեռանալ․ «Նիկոլ, քանի որ դու այս 8 տարիների ընթացքում հայ ժողովրդի կարծիքն ընդհանրապես չես հարցրել, այս օրերին մարդիկ էլի սկսել են լցնել հրապարակները, գալ հանրահավաքների, որպեսզի ասեն՝ վերջ, այ տղա, պիտի գնաս, հերիք է, բավ է, հոգնել ենք, զզվել ենք։ Այսքան չարիք բերած, այսքան պառակտում բերած, այսքան ողբերգություն բերած մարդը չի կարող ազգ սիրել, չի կարող Աստված ունենալ, չի կարող պետություն ունենալ, պիտի գնաս ու գնալու ես»։
Ռուբեն Մխիթարյանը նշեց․ «Կառավարման ղեկը լաչառներից պետք է փոխանցել հավասարակշռվածներին, անամոթներից՝ դաստիարակվածներին, դիլետանտներից՝ պրոֆեսիոնալներին, ուրացողներից՝ պահանջատերերին, դավաճաններից՝ հայրենասերներին։ Մեր երկիրը պետք է ի վերջո ադրբեջանցիների ձեռքից վերցնենք, տանք հայերին։ Ո՞վ ես դու, քեզնից ի՞նչ ես ներկայացնում, որտեղի՞ց եկար էս ժողովրդի գլխին, այ ազգակործան, այ պատուհաս, այ չմարդ, այ հակամարդ»։
Մանրամասները՝ տեսանյութում
Կարդացեք նաև
Ռուբեն Մխիթարյանը նաև ասաց, որ մեզնից փորձում են խլել Արարատի մասին երազանքը և Արարատը՝ որպես գաղափար, որպես ինքնության հենասյուն․ «Այսօր փորձում են նաև քանդել, պառակտել, ավերել մեր Եկեղեցին՝ Արարատ ու Եկեղեցի»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
