Քիչ առաջ տեսանյութ էր տարածվել համացանցում, համաձայն որի՝ Անիի տարածաշրջանի Ջրափի գյուղում գտնվող թիվ 33/50 ընտրատեղամասում, որը, ի դեպ, միակն է համայնքում, չկա 3-րդ համարի քաղաքական ուժի քվեաթերթիկների տրցակը։
«Ակտ եք ստորագրել, տիկին ջան, փաստաթուղթ է, չէ՞, բա չնայեի՞ք՝ ի՞նչ են տալիս ձեզ, 3-րդ համարն ո՞ւր անհետացավ»,-հարցնում էին հանձնաժողովի նախագահին։ Նա պարզաբանեց, որ ահազանգել են, 2 ժամ ՝ սպասում են, կբերեն, տեխնիկական խնդիր է, կլուծեն»:
Aravot.am-ը կապ հաստատեց թիվ 33 ընտրատարածքային ընտրական հանձնաժողովի նախագահ Արկադի Թադևոսյանի հետ, նա ասաց՝ ոչ մի խնդիր չկա, արդեն կարգավորված է, տրցակը պատահաբար ուրիշ ընտրատեղամաս է ուղարկվել, որտեղ ևս դրված է եղել կողքի ամանի մեջ։
Նունե ԱՐԵՎՇԱՏՅԱՆ
Լուսանկարն՝ արխիվային
