ԱԺ մշտական հանձնաժողովների համատեղ նիստում ՀՀ 2025 թվականի բյուջեի կատարման մասին տարեկան հաշվետվության ներկայացման ժամանակ ԱԳ նախարար Արարատ Միրզոյանն անդրադարձավ խորհրդարանական ընտրությունների արդյունքներին։
«Սա հերթական անգամ գալիս է փաստելու, որ ժողովրդավարական գործընթացները եւ առաջին հերթին՝ ազատ, արդար, թափանցիկ եւ ժողովրդավարական ընտրությունների կայացումը Հայաստանում այլեւս անշրջելի է։ Եվ ՀՀ ժողովուրդն այլեւս երբեք թույլ չի տա ընտրական գործընթացների այն խախտումները, որոնց մենք ականատես ենք եղել մինչեւ 2018 թվականը»,- ասաց նա։
Միրզոյանը շնորհակալություն հայտնեց ՀՀ քաղաքացիներին՝ երրորդ անգամ անընդմեջ երկրի կառավարումը ՔՊ-ին վստահելու համար։
«Փաստը, որ երրորդ անգամ անընդմեջ մենք կարողանում ենք միանձնյա ձեւավորել կառավարող մեծամասնություն, շատ խոսուն եւ մյուս կողմից՝ շատ պատասխանատու ու պարտավորեցնող է։ Մեզ համար պատիվ է ստանձնել այդ պարտավորությունը։ Եվ ինչպես նախկինում, այսուհետ եւս մենք ամեն ինչ անելու ենք, որ մեզ վստահված կառավարումն իրականացնենք եւ մեր խոստացած բարեփոխումները շարունակենք իրականացնել»,- հավելեց նա։
Կարդացեք նաև
Մանրամասները՝ տեսանյութում
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
Լուսանկարը՝ ՔՊ ֆեյսբուքյան էջից
