«Անկախության Հռչակագիրը մի փաստաթուղթ է, որն ամրագրել է մի կարեւոր դրույթ՝ մենք այլեւս «կոտորվելու մատերիալ» չենք, մենք հրաժարվում ենք դառնալ թուրքական աշխարհի համար «մատերիալ», մենք այլեւս թույլ չենք տա, որ մեզ դնեն ու մորթեն՝ աշխարհաքաղաքական ամբիցիաների համար»,-Հանրային դաշինքի կազմակերպած «Քաղաքական հետապնդումները, որպես միահեծան իշխանության հետեւանք» թեմայով հանրային քննարկման ժամանակ կարծիք հայտնեց ԲՀԿ քաղխորհրդի անդամ Արման Աբովյանը։
Բանախոսի բնութագրմամբ՝ այն մարդը կամ այն քաղաքական ուժը, որը լուրջ դեմքով պնդում է, որ Անկախության հռչակագիրը կոնֆլիկտածին է, պետք է իմանա․ «Անկախության հռչակագիրը, ՀՀ Սահմանադրությունն ամրագրում են մեր դիմադրելու իրավունքը, երբ գալիս են մեզ կոտորելու, մեր հողը գրավելու։ Եթե չես դիմադրում՝ գնում ես կոտորածի։ Արցախում հիմա խաղաղ է, չէ՞․ նույն խաղաղությունն այստեղ է լինելու։ Միգուցե կան մարդիկ, ովքեր կարող է համաձայն լինեն, որ իրենց եւ իրենց երեխաների կյանքի հաշվին խաղաղություն լինի, բայց դա խաղաղություն չէ»։
Արման Աբովյանի համոզմամբ, հիմա Հայաստանում քաղաքական հետապնդումների են ենթարկվում մարդիկ, ովքեր որոշել են մնալ հայ։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
