Աստանայում մեկնարկած հունահռոմեական ոճի ըմբշամարտի աշխարհի առաջնության մեկնարկային օրը Հայաստանի ազգային հավաքականի չորս ներկայացուցիչներն էլ տարբեր փուլերում պարտություն են կրել։
Չեմպիոնության մեր գլխավոր հույսը՝ 77 կգ քաշային Մալխաս Ամոյանը, որակավորման փուլը հաղթահարելուց հետո պարտվել է ղազախստանցի ըմբիշին։ 55 կգ քաշային կարգում Նորայր Հախոյանը, որ պայքարն սկսել էր 1/8 եզրափակչից, տանուլ է տվել Վրաստանի ներկայացուցիչ, աշխարհի չեմպիոն Վախթանք Լոլուային։ Սուրեն Աղաջանյանը 60 կգ քաշային կարգում մեկ հաղթանակից հետո զիջել է ճապոնացիԿոտո Գոմիին, իսկ 82 կգ քաշային Սամվել Գրիգորյանի պարտության մասին արդեն տեղեկացրել էինք։
Այժմ մեր բոլոր ըմբիշները սպասում են մրցումային օրվա ավարտին՝ հասկանալու, թե ովքեր սփոփիչ գոտեմարտերին մասնակցելու հնարավորություն կստանան։
Աշոտ ՀԱԿՈԲՅԱՆ
