Աստանայում այսօր մեկնարկել է ազատ ոճի ըմբշամարտի աշխարհի առաջնությունը։ Մրցումային առաջին օրը Հայաստանի հավաքականից պայքարի մեջ ներգրավվել է միայն 65 կգ քաշային Վազգեն Թևանյանը, որը գերազանց գոտեմարտեր է անցկացրել։
Սկսելով 1/16 եզրափակչից՝ մեր ըմբիշը հասել է եզրափակիչ։ Նա անցկացրել է չորս գոտեմարտ և միմյանց հետևից պարտության է մատնել մոնղոլ, ղազախ, իրանցի ու բուլղարացի մրցակիցներին և վաղը չեմպիոնական տիտղոսի համար հանդիպելու է ամերիկացի Ուիլյամ Բասսեթի հետ։
Աշոտ ՀԱԿՈԲՅԱՆ
