Լեռնային Ղարաբաղի նախագահի մամլո խոսնակ Դավիթ Բաբայանի բնորոշմամբ, Հիմնադիր խորհրդարանի՝ Արցախում ավտոերթ անցկացնելու նախաձեռնությունը տարօրինակ է:
Հիշեցնենք, որ հունվարի 31-ին Հիմնադիր խորհրդարանի անդամները պատրաստվում են ավտոերթով Արցախ գնալ:
Շարժումը տեղեկացրել է, որ արցախյան ավտոերթի ընթացքում, ինչպես հանրապետության մյուս մարզերում, իրազեկելու են Ցեղասպանության 100-ամյակի օրը՝ 2015 թ. ապրիլի 24-ին, փողոց դուրս գալու, օտարին ծառայող ու սպիտակ ցեղասպանություն իրականացնող ռեժիմին հեռացնելու և երկրի ապագաղութացման ու ՀՀ-ի ինքնիշխանության հաստատման ազատագրական պայքարի գործնական քայլերն սկսելու ծրագրի մասին:
Միևնույն ժամանակ՝ արցախյան ավտոերթի ընթացքում ավելի շեշտադրված են լինելու ԵՏՄ-ին անդամակցելու պատճառով Արցախը մաքսակետով ՀՀ-ից տարանջատելու և օտարի քմահաճույքին հանձնելու աղետալի հետևանքների, ինչպես նաև ազատագրական պայքարի հաղթանակի շնորհիվ ՀՀ-ին Արցախի դե յուրե միավորվելու միջոցով նշված վտանգները չեզոքացնելու հեռանկարի վերաբերյալ տեսակետները:
Կարդացեք նաև
«Ի՞նչ կապ ունի Արցախը Հայաստանի ներքաղաքական իրավիճակի հետ, ընդհանրապես որեւէ կապ չունի, կամ Արցախը ներկայացնել Հայաստանի մարզ, քաղաքական, իրավական ու բարոյական տեսանկյունից ճիշտ չէ: Ինչ մաքսակետի մասին է խոսքը, մաքսակետ չկա, ինչի՞ մասին են խոսում: Ո՞վ է ասել, որ մաքսակետ է լինելու»,- Aravot.am-ին ասաց Դավիթ Բաբայանը:
Նրա խոսքով, որոշ մարդիկ նմանատիպ շարժումներով անձնական խնդիրներ են լուծում: Նա վստահեցրեց, որ արցախցիները դեմ են նման երթերին. «Բնակչության բացարձակ մեծամասնությունը դեմ է նման ավտոերթին, նման քաղաքականությանը: Մեզ համար անհասկանալի է՝ ինչ են ուզում այդ մարդիկ, ինչ նպատակներ են հետապնդում, էդ ի՞նչ շոու են ուզում սարքել էդ մարդիկ: Արցախի բնակիչների համար նման շոուները անընդունելի են: Մենք ավելի լուրջ խնդիրներ ունենք, հակառակորդն ամեն վայրկյան խախտումներ է կատարում ու հանկարծ անհասկանալի երթ:
Անհասկանալի է նաեւ նրանց նախաձեռնությունը ցեղասպանության 100 ամյակի նախաշեմին: Ցեղասպանության 100 ամյակը կապել քաղաքական պայքարի հետ, ընդհանրապես անթույլատրելի է: Այդ օրը ամբողջ հանրությունը պետք է ոգեկոչի ազգի հազարամյակների պատմության մեջ եղած ամենամեծ ողբերգությունը, ու դա կապել ներքաղաքական խնդիրների հետ բարոյական տեսանկյունից շատ սխալ քայլ է»:
Արփինե ՍԻՄՈՆՅԱՆ
Իսկ ի՞նչու է «շոու»: Եթե «Արցախը Հայաստանի ներքաղաքական իրավիճակի հետ ընդհանրապես որեւէ կապ չունի», ապա ուրեմն բարի եղեք ու պատասխանե՛ք, թե ՀՀ զինվորները Ո՞Ր իրավական հիմքի վրա են ծառայում (և վիրավորվում/զոհվում) Արցախում:
Կամ հենց դու՛ք էլ ՀՀ անձնագրո՞վ չեք ճանապարհորդում:
Հիմա ի՞նչ՝ դրեք Հայաստան-Արցախ բոլոր կապերը՝ գաղտնի, ոչ գաղտնի, արեք հասարակական քննարկման առարկա ու թող թշնամին ձեզնից ինֆորմացիա ստանա: Էլ ինչի՞ է հետախուզական դիվերսիաներ անում: Չի՛ կարելի, խելքի եկե՛ք:
Հակառակորդն արդեն 25 տարի «ամեն վայրկյան խախտումներ է կատարում» ու դեռ 25 տարի էլ շարունակելու է. ուրեմն Հայաստանում (Արցախը ներառյա՛լ) օրենք ու դեմոկրատիա չպիտի՞ լինի:
заговорил секретарь лаврова
եթե Արցախի բնակչության մեծ մասը դեմ էր այդ երթին, առավել ևս, թող տնից դուրս չգային, այդ ժամանակ երթի մասնակիցները կհասկանային, որ իրենց չեն ընդունում.
Ասենք թե շոու էր. շոուի համար էսպիսի նախճի՞ր են իրագործում։ Դե հենա գնացեք ու ամեն օր սերժիկին սատկացրեք. ամեն օր շոու ա անում։
Երբ, որ ժողովուրդը բողոքում է, այդ ժամանակ զարմանալիորեն սահմանում անհանգիստ է լինում։ Կա՞րծում եք պատահական է։ Կա՞րծում եք հենց մեր մոտ խառը իրավիճակ է, նշանակում է թույլ ենք, իրենք էլ առիթավորվում են։ Օրինակ Մարտի 1, 2008։ 2008-ին նախագահական ընտրությունները անցնում էին կոշտ բևեռացման պայմաններում, այսինքն միայն մեր մամուլին հետևելը բավական էր, որ թուրքերը հասկանաին, որ բախում լինելու հավանականությունը մեծ է։ Իրենք եթե չասենք ամիսներ ապա շաբաթներ ունեին հարձակվելու նախապատրաստվելու համար։ Իսկ Մարտի 1ին երբ իմացան մեր նորությունները անցան հարձակման։ Եթե հարձակման պետք է անցնեին Արցախ զավթելու համար, ապա պետք է լայնածավալ գործողություններ սկսեին, հրետանային նախապատրաստություն, հետո զրահատանկային միավորումներիվ ռազմաճակատի ճեղքում։ Դա այնպիսի բան չեր 1-2 օր տևեր, իրենք պետք է գոնե մի շաբաթ ինտենսիվ կռվեին։ Այդպիսի բան ե՞ղել է, ոչ։ Ասեմ իմ կարծիքը, Հայաստանի ղեկավարությունը զանգել են Ալիևին ու խնդրել են մի թեթև դիվերսիա անել, որ մեր ժողովրդի վրա մուննաթ գալով հանգստացնեն։ Այդքան բան։ Բա Ձեր կարծիքով ինչի են ուղղաթիռները ադրբեջանական դիրքերի համարյա վրայով թռնում, որ իրավիճակը լարեն։ Որ ժողովուրդին զբաղեցնելու նյութ լինի, թե չէ կարող է իշխանափոխություն ուզենք, բա կարելի է․․․ Բա Գյումրու դեպքերի վրա ինչի են այսքան երկար դիվերսիաները շարունակվում, որովհետև ժողովուրդը երկար չի հանգստանում։ Այնպես, որ եթե ուզում եք մեր երիտասարդները չզոհվեն, իշխանություններին է պետք փոխել, ոչ թե իրենց թատերական սցենարին հետևել․․․
այսինչ նէխած հոտած հակահայկական որոշումներ են ընդունում ղարաբաղցիք սա չատ ջուր է քաշելո եթ այդպես է ինչու հայաստանցի երիտասարդը պեդք է ծառայի սահմանում ոչ մի դէպքում արդեն վդանգավոր իրադրություն է ստեղծվում թող արցախցիք զոհվեն այնտեղ ուեթե արցախը պեդք է տան ատրբեջանին թող տան բայց մեր զիվորը պեդք է մնամեր սահմանում
Ժողովուրդ միթե չեք հասկանում ,որ մեր թշնամու ուզածն էլ հենց դա է, որ սեպ խրվի երկու կողմերի միջև, ամոթ է , սթափվեք:Չեմ հավատում, որ այնքան հիմար եք, որ չեք հասկանում, որ առանց Արցախի Հայաստան չի կարող լինել, Ադրբեջանի նպատակը ոչ թե Արցախն է, այլ ամբողջ Հայաստանը:Մի քիչ շատ կարդացեք, թերևս ձեր թերությունն ու անտեղյակությունը չկարդալու և անխոհեմ լինելու մեջ է: