Հայաստանի երկրորդ նախագահ Ռոբերտ Քոչարյանը չի հրավիրվել հարցաքննության և նրա գրասենյակի ղեկավար Վիկտոր Սողոմոնյանին հայտնի չէ, թե որտեղից մամուլին այն տեղեկությունը, որ մարտի 1-ի գործով առաջիկայում հարցաքննվելու է 2-րդ նախագահը։
Երեկ նման հրապարակում էր արել «Հայկական ժամանակ» օրաթերթը, նշելով, որ «լավատեղյակ աղբյուրներից հայտնի է դարձել, թե Ռոբերտ Քոչարյանն առաջիկայում կհարցաքննվի Մարտի 1-ի գործով»։
Հատուկ քննչական ծառայությունից ոչ հերքում, ոչ հաստատում են այս լուրը։
«Առաջիկայում նախատեսվում են բազմաթիվ պաշտոնատար անձանց հարցաքննություններ», – «Ազատության» հետ զրույցում ասաց ՀՔԾ-ի մամուլի խոսնակ Մարինա Օհանջանյանը՝ չհստակեցնելով՝ արդյոք նախաքննության շրջանակում գործող, թե՞ նախկին պաշտոնյաների հարցաքննություններ են սպասվում։
Մանրամասներին կարող եք ծանոթանալ՝ «Ազատություն» ռ/կ-ի կայքում: