Հնդկաստանի բնակիչ Սանջու Բխագատը իր արտասովոր տեսքով հիշեցնում էր հղիության վերջին շրջանում գտնվող մեկին: Սակայն նա տղամարդ է ու, հետեւաբար, երբեք ոչ մեկի մտքով չէր անցել, որ նա կարող է հղի լինել:
Այնուամենայնիվ, նրա հսկա փորը խանգարում էր ազատ տեղաշարժվել, շնչել:
Օրերից մի օր Սանջուն իրեն շատ վատ է զգացել, նրան շտապօգնության մեքենայով տեղափոխել են հիվանդանոց ու անմիջապես ենթարկել վիրահատության: Բժիշկներն ապշել են. պարզվել է հնդիկի տարօրինակ գիրության պատճառը՝ Սանջուի փորի մեջ եղել է նրա երկվորյակ եղբայրը:
Կարելի է ասել, որ Սանջուն կեսարյան վիրահատությամբ երեխա է ունեցել:
Բժիշկների անցկացրած հետազոտության արդյունքներից պարզվել է, որ տղամարդը ծնվել է հազվագյուտ հիվանդությամբ, որի անունն է «պտուղ՝ պտղի մեջ». մոր արգանդում երկվորյակների կազմավորման սկզբնական շրջանում պտղաբեր ձվարաններից մեկը ներթափանցում է մյուսի մեջ եւ դառնալով «պարազիտ», շարունակում է զարգանալ: Արդյունքում՝ մայրը ծննդաբերում է մեկին, իսկ երկրորդ պտուղը շարունակում է գոյությունը երկվորյակ-եղբոր մեջ:
Սանջուն իր եղբորն իր մեջ կրել է երեսունվեց տարի ու չի մահացել, ինչն էլ արձանագրվել է իբրեւ ապշեցուցիչ փաստ:
