Այսօր ՀՀ ԳԱԱ կլոր դահլիճում տեղի ունեցավ ՀՀ հանրային խորհրդի 2011 թ. գործունեության ամփոփմանը նվիրված նիստ: Այս ընթացքում ՀԽ նախագահ Վազգեն Մանուկյանը ներկայացրեց խորհրդի գործունեությունը իրավական, տնտեսական, գյուղատնտեսության, բնապահպանության և այլ ոլորտներում: Խոսելով բազում հիմնախնդիրներից` պարոն Մանուկյանը նկատեց. «Հայ հասարակությունը հեռու է քաղաքացիական հասարակություն կոչվելուց»:
Լրագրողներին հետաքրքրեց, թե հանրային խորհուրդը 2011-ի ընթացքում կոնկրետ ինչ խնդիրներ է լուծել: ՀԽ ենթահանձնաժողովների նախագահները այդպես էլ կոնկրետ լուծում ստացած խնդիրներ չկարողացան մատնանշել: Որպես հանրային խորհրդի աշխատանքի արդյունք` ներկայացվեց այն, որ երկու անգամ մատչելի են դարձել հեռահաղորդակցության ոլորտում գործող սակագները, կամ հաղթանակ են տարել օտարալեզու դպրոցների խնդրում: Սակայն այս հարցում կոնկրետ արդյունքներ այդպես էլ չնշվեցին:
Տեղեկացնենք, որ Հանրային խորհուրդը ներկայացրել է հաշվետվություն, որտեղ ներկայացված են խորհրդի առաջարկություններն ու գործունեության արդյունքները:
Տաթև ՀԱՐՈՒԹՅՈՒՆՅԱՆ
Կարդացեք նաև
