Երկար քննարկումներից հետո «Ժառանգություն» և «Ազատ դեմոկրատներ» կուսակցությունները որոշեցին առաջիկա խորհրդարանական ընտրություններին մասնակցել միասնական ցուցակով: Օրեր առաջ ԱԺ-ում ճեպազրույցների ընթացքում «Ժառանգությունը» հայտարարեց, որ նպատակ ունի քառապատկել իր ներկայացվածությունը ԱԺ-ում:
Aravot.am-ը «Ազատ դեմոկրատներ» կուսակցության վարչության անդամ Արմեն Առաքելյանից հետաքրքրվեց՝ արդյոք իրենք «Ժառանգության» ցանկությունը իրատեսական համարո°ւմ են: Ա. Առաքելյանը պատասխանեց. «Մեր երկու կուսակցությունների միջև կայացած դաշինքը չի նշանակում պարզապես մեկին գումարած մեկ: Դա չի նշանակում, որ մեր ձայները կրկնապատկվելու են, և մենք հավաքելու ենք, ասենք՝ 10 տոկոս: Մեր ընտրազանգվածների միավորումը կբերի ոչ թե մաթեմատիկական գումարման, այլ բազմապատկման: Եվ այս տեսանկյունից «Ժառանգության» հայտարարությունը իրատեսական եմ համարում: Մենք ակնկալում ենք 24, 26 մինչև 30 տոկոս արդյունք»:
Տաթև ՀԱՐՈՒԹՅՈՒՆՅԱՆ
