«Նոր ալիք 2012» երգի մրցույթի կիսաեզրափակիչ փուլը կկայանա Մոսկվայում՝ ապրիլի 18-19-ին, իսկ «Մանկական նոր ալիք 2012»-ինը՝ ապրիլի 20-21-ին»,- այսօր ասուլիսի ժամանակ տեղեկացրեց «Նոր ալիք» մրցույթի գլխավոր տնօրեն Ալեքսանդր Ռումյանցեւը: Նա ասաց, որ հայաստանյան նախընտրական փուլն արդեն սկսված է եւ լսել են ավելի քան 60 մասնակցի. «Տաղանդավորները, համեմատած անցյալ տարիների հետ, այս անգամ ավելի շատ էին: Այս տարի «Նոր ալիքի» հայաստանյան նախընտրական փուլին մասնակցելու հայտ է ներկայացրել 200, իսկ «Մանկական նոր ալիքի» համար՝ 400 երգիչ: Ովքեր կարծում են, որ աշխատանքի գնալուց կարող են մտնել ու ձեռքի հետ մասնակցել մրցույթին՝ սխալվում են»:
Կազմակերպիչները վերջերս տեղեկություն էին տարածել, ըստ որի՝ «Նոր ալիքի» անցկացման վայրի հետ կապված խնդիր կա: Պարոն Ռումյանցեւի կարծիքով՝ այդ խնդիրը գալիս է նրանից, որ մրցույթը իրենց պատկերացրածից շատ է սիրվել, եւ շատ մարդիկ են ցանկանում ներկա գտնվել. «Հետեւաբար կամ պետք է տեղում փոխենք ինչ–որ բաներ, կամ՝ մրցույթի տեղը, որպեսզի բոլոր ցանկացողներին կարողանանք տեղավորել»:
Մրցույթի գլխավոր տնօրեն Ալեքսանդր Ռումյանցեւը հերքեց այն լուրերը, որ որեւէ մրցույթում մեկ անգամ հաղթելու դեպքում, այլեւս չեն կարող հաղթել:
«Նոր ալիք 2012»-ի հայաստանյան պրոդյուսեր Հրաչ Քեշիշյանն էլ, խոսելով հայաստանցի մասնակիցների մասին, փաստեց. «Նրանք ունեն որակապես բարձր կատարողական արվեստ»:
Կարդացեք նաև
Արամ ԱՐԱՐԱՏՅԱՆ
