Այսօր Մաշտոցի պուրակում կրկին հավաքվել էին մի խումբ ակտիվիստներ: Նրանք միմյանց հետ իրենց տպավորություններն էին կիսում ՀՀ նախագահ Սերժ Սարգսյանի այգի կատարած երեկվա անակնկալ այցելության վերաբերյալ: Չնայած բնապահպան ակտիվիստները բարձր տրամադրությամբ պարզապես զրուցում էին`
հպարտանալով իրենց հաջողություններով, այնուամենայնիվ նրանց հսկում էին տասնյակ ոստիկաններ:
Aravot.am-ը բնապահպան ակտիվիստներից հետաքրքրվեց, թե այսօր ի՞նչ նպատակով են հավաքվել, երբ արդեն հասել են «բուտիկները» այգուց հանելու պահանջին:
Կարդացեք նաև
«Մեր պահանջը չէր կայանում միայն տաղավարները վերացնելուն, մեր պահանջը, որ օրինական երկիր ունենաք եւ ըստ օրենքի սա դուրս գար, ոչ թե սիրուն է կամ սիրուն չէ: Սա պարզապես հասարակական հարթակ է եւ հասարակությունը պետք է սովորի, որ հանրային այգին հանրությանն է, մենք շարունակելու ենք այստեղ կինոդիտումներ, ցուցահանդեսներ, սա մշակութային հարթակ է, օգնելու ենք այգին կանաչապատելուն»,- ասաց ակտիվիստ Եղիա Ներսիսյանը:
Հավաքվածներից քիչ այն կողմ այգում ընթանում էին սալիկապատման աշխատանքներ:
Լուսինե ԲՈՒԴԱՂՅԱՆ
