Մայիսի 2-ին Իջեւանում, հայաստանյան բանկերի տեղի մասնաճյուղերում Իջեւանի տարածաշրջանի գյուղապետերը 100 հազարանոց թղթադրամները փոխանակել են 5 եւ 10 հազարանոց թղթադրամների, բանկերում այս թղթադրամների պակաս է զգացվել: Գյուղապետերից ոմանք նախկինում, մինչ այդ 100 հազարանոցով գործարք չէին արել:
Մեր իրազեկ աղբյուրները հայտնում են, որ Իջեւանի տարածաշրջանի գյուղերում ընտրակաշառքի չափը սկզբից սահմանվել է 5 հազար դրամ: Սակայն գյուղապետերը դրան ընդդիմացել են, ասելով, որ 5 հազարով ոչ ոք ձայն չի տա: Դրանից հետո որոշվել է ընտրակաշառքի չափը դարձնել 10 հազար դրամ: Քանի որ ընդհանուր գումարը չի բավարարում, որոշվել է կրճատել ընտրակաշառքի ցուցակներում ընդգրկվածների թիվը:
Ոսկան ՍԱՐԳՍՅԱՆ
