2012թ. ապրիլի 27-ին ժամը 13:21 www.aravot.am լրատվական կայքում, «Առավոտ» օրաթերթին հղումով հրապարակվել է «Կամ ցմահ, կամ համագործակցություն» վերնագրով, հետևյալ բովանդակությամբ նյութը. ««Առավոտի» ունեցած տեղեկություններով՝ ապրիլի 12-ին Գյումրիի քաղաքապետ Վարդան Ղուկասյանի դստեր փեսացուի՝ Կարեն Եսայանի սպանության մեջ մեղադրվող Հարություն Սարգսյանին ցմահ ազատազրկում է սպառնում, քանի որ խոսքը կանխամտածված դաժան սպանության մասին է: Հասկանալով դա՝ Սարգսյանը, ըստ մեր աղբյուրի, որոշել է համագործակցել նախաքննության հետ եւ բացահայտել սպանության պատվիրատուներին»:
Հանդիսանալով Հարություն Սարգսյանի պաշտպանները ցանկանում ենք տեղեկացնել, որ նշված տեղեկատվությունը իրականությանը չի համապատասխանում: Հ.Սարգսյանը իրեն երբևէ մեղավոր չի ճանաչել, հերքել է իր առնչությունը նշված հանցագործության կատարմանը, ուստիև կատարված հանցագործության հնարավոր պատվիրատուներին բացահայտելու նպատակով չէր կարող համագործակցել « նախաքննության հետ»:
Հայտնելով վերոհիշյալը խնդրում ենք հերքել www.aravot.am լրատվական կայքի և «Առավոտ» օրաթերթի վերոհիշյալ տեղեկատվությունը:
Կարդացեք նաև
Հարգանքով`
Հ.Սարգսյանի պաշտպաններ Լուսինե Սահակյան, Երվանդ Վարոսյան
