Սեւանի Ծաղկունք գյուղում այսօր նշվեց Նավասարդը` հին հայկական նոր տարին: Պատմական Հայաստանում հենց Նավասարդ ամիսն է համարվել տարվա սկիզբ: Այսօր Ծաղկունքում տեղակայված տաղավարներում բերքուբարիք էր վաճառվում, խորոված, հուշանվերներ, գինի, գյուղական էկզոտիկ ուտեստներ: Քրմերն էլ հանդիսավորությամբ օծեցին 8 թոնիրները, որոնք հետո մնալու են գյուղին: Միջոցառման կազմակերպիչներն էին «Ծաղկունքի բաց դպրոց» հիմնադրամը, Հայկական խոհարարական ավանդույթների պահպանման եւ զարգացման, ինչպես նաեւ «Սերոնդ ազգապահպան» հկ-ները, «Դար» ընկերությունը:
Միջոցառումը վերածվել էր համաժողովրդական տոնախմբության, ինչին նպաստում էին նաեւ հեթանոս Հայաստանի նկարագիրը լրացնող բեմական կերպարներ, որոնք հաճույքով լուսանկարվում էին բոլորի հետ: Քրիստոնեականի ու հեթանոսականի հետաքրքիր համադրություն էր ստեղծվել. մարդիկ նախ բարձրանում էին տեղի եկեղեցին, մոմ վառում, աղոթում, ապա վերադառնում հեթանոսական շնչով միջոցառմանը: Խոսակցություններ գնացին, թե վեճ է ծագել հոգեւորականների եւ քրմերի միջեւ: Քրմերից մի քանիսը Aravot.am-ի հետ զրույցում ասացին, որ անձամբ իրենց որեւէ մեկը վատ բան չի ասել, չնայած չհերքեցին, որ իրենք էլ են նման տեղեկություն ստացել:
Կարդացեք նաև
Գոհար ՀԱԿՈԲՅԱՆ
Տեսանյութը շուտով
