ԱԺ պատգամավոր Գեղամ Նազարյանը փոփոխություններ է առաջարկում ՀՀ տոների եւ հիշատակի օրերի մասին օրենքում։ Նախագիծն առաջին ընթերցմամբ քննարկվեց ԱԺ նստաշրջանում։
Կառավարությունն առաջարկություն է ներկայացրել, որ «Քաղաքացու օրը» կոնկրետ օր նշվի։ Գեղամ Նազարյանի խոսքով՝ հիմնավորումն այն է, որ «Քաղաքացու օրն» անդադար համընկնում է ապրիլի 24-ի եւ մայիսի 1-ի հետ։ «Օրինակ՝ մյուսը համընկնում է ապրիլի 24-ի հետ»,- ասաց նա։ Կառավարության այս առաջարկությունն առաջինից երկրորդ ընթերցման փուլում լրամշակումների միջոցով կընդգրկվի նախագծում։
Գեղամ Նազարյանն առաջարկում է Կինոյի օրը նշել ոչ թե ապրիլի 16-ին, այլ ապրիլի 13-ին, այն պարզ պատճառով, որ իրականում «Նամուս» ֆիլը ցուցադրվել է ապրիլի 13-ին։ Նա նաեւ առաջարկում է օգոստոսի 11-ին նշել Նավասարդի օրը, բայց ոչ որպես հանգստյան օր, այլ աշխատանքային։
Առաջարկում է նաեւ մեր տոնացույցում հստակ սահմանել օրեր՝ մարզերի եւ Երեւանի օրերը նշելու օրեր։ Օրինակ՝ նրա խոսքով՝ Սյունիքի օրը պետք է նշել ամբողջ հանրապետությունում, քանի որ մարզերը միմյանց ճանաչելու խնդիր ունեն։
Կարդացեք նաև
«Առաջարկում եմ մեռելոց օրերը նորից տոնացույցում նշել, որովհետեւ տոնացույցում նշենք, չնշենք, միեւնույն է, այդ օրերը նշվում են, եւ խառնաշփոթ է լինում։ Մինչեւ երկրորդ ընթերցում պետք է կարգավորենք նաեւ՝ դա կլինի աշխատանքային օր, թե ոչ աշխատանքային օր»,- ասաց Նազարյանը։
Մանրամասները՝ տեսանյութում
Հարակից զեկուցող ՔՊ խմբակցության պատգամավոր Ալխաս Ղազարյանն ասաց, որ կառավարությունը առաջարկություններ է ներկայացրել, որոնք հեղինակը կներառի նախագծում։ «Այնպես որ, այս պահին կոչ եմ անում կողմ քվեարկել նախագծին»,- ասաց նա։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
