Մեր կյանքում հաճախ կարելի է տեսնել տարբեր այլակերպություններ: Կարելի է տեսնել սպառված գործիչների, որ գառան դիմակ հագած ելույթ են ունենում Ազգային ժողովի բարձր ամբիոնից: Հայ մարդուն զարմացնելը դարձել է շատ դժվար:
Բայց այն այլակերպությունը, որն այսօր Տավուշի մարզում տեսել է ֆոտոլրագրող Գագիկ Շամշյանը, ամենաանհավանականն է. 2-րդ համաշխարհայինի զոհերին նվիրված հուշարձանը, որը անմահացնում է զոհված այգեհովիտցիների հիշատակը, վեր է ածվել «լվացքատան». բացի նրանից, որ հուշարձանը գտնվում է սանիտարահիգիենիկ անմխիթար վիճակում, տեղի բնակիչները հուշարձանի վրա պարաններ են կապել, որտեղ չորացնում են իրենց լվացքը:
Լուսանկարները` Գագիկ Շամշյանի
