Պոտսդամում՝ Բեռլինից ոչ շատ հեռու, կա մի շքեղ վերանորոգված ամառանոց, որը հայտնի է որպես Լեփսիուսհաուս կամ Լեփսիուսի տուն, որտեղ 1908-1926թթ. ապրել և աշխատել է գերմանացի հոգևորական, հասարակական գործիչ Յոհաննես Լեփսիուսը: 2011թ. մայիսին ամառանոցը վերածվել է թանգարանի և հետազոտական կենտրոնի, որտեղ Հայոց Ցեղասպանության թեմայով ցուցահանդեսներ, դասախոսություններ և համաժողովներ են անցկացվում: Գրում է «Արմենիան միրոր-սփեքթաթոր» թերթը:
Բոլորովին վերջերս Լեփսիուսհաուսում կայացավ Լեփսիուսի անվան միջազգային համաժողովը: Սեպտեմբերին տեղի ունեցած համաժողովին մասնակցում էին մասնագետներ Գերմանիայի, Շվեյցարիայի, ԱՄՆ-ի և Հայաստանի համալսարաններից, այդ թվում, պրոֆեսոր Աշոտ Հայրունին՝ ԵՊՀ-ից և պրոֆեսոր Մարգարետ Լ. Անդերսոնը՝ Կալիֆորնիայի Բերկլի համալսարանից:
Լեփսիուսը հայերին հայտնի է որպես խիզախ գերմանացի, որը փորձում էր կասեցնել Հայոց Ցեղասպանությունը: Նա մեկնել էր Թուրքիա, որպեսզի իր մարդասիրական առաքելությունը կատարի Ուրֆայում` 1986թ. Համիդյան կոտորածներից տուժածներին օգնություն ցույց տա, ինչպես նաև Գերմանիայի արտաքին գործերի նախարարությունից լսելով 1915թ. կոտորածների մասին՝ նորից մեկնեց հայերին օգնելու համար: Նա ուզում էր գնալ Կոստանդնուպոլիս, սակայն Երիտթուրքերը կանխում են նրա այցելությունը:
Պատրաստեց Հովհաննես ԻՇԽԱՆՅԱՆԸ
