Հայաստանի և Ուկրաինայի լուսանկարիչների համար Եվրոմիության արևելյան գործընկերության մշակութային ծրագիրը մրցույթ է հայտարարել: Թեման է «Բազմազանությունը իմ հասարակությունում»: Այս մասին ասված է ԵՄ հարևանության տեղեկատվական կայքում:
Մրցույթի նպատակն է Հայաստանի և Ուկրաինայի հասարակություններում մշակութային բազմազանության կարևորության մասին ուշադրության և իրազեկության բարձրացման զարգացումը: Մրցույթին կարող են մասնակցել և’ պրոֆեսիոնալ, և’ սիրողական լուսանկարիչներ:
Աշխատանքները մրցույթին ուղարկելու վերջնաժամկետն է 2013թ, հունիսի 1-ը: Լավագույն լուսանկարները միջազգային ցուցահանդեսի շրջանակներում կցուցադրվեն Ուկրաինայում և Հայաստանում:
Պատրաստեց Հովհաննես ԻՇԽԱՆՅԱՆԸ
