Մարտի 3-ին, ժամը 12.35-ին ահազանգ է ստացվել, որ Արագածոտնի մարզի Գեղաձոր-Հնաբերդ միջհամայնքային ավտոճանապարհի 1-ին կմ-ում ձնաբքի հետևանքով ավտոմեքենաներն արգելափակվել են ձնակույտի մեջ. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Արգելափակումից դուրս է բերվել Ա. Սերոյանին պատկանող «ՈՒԱԶ» մակնիշի 23 ՕՕ 422 պետհամարանիշի ավտոմեքենան, որում եղել է չորսամյա վատառողջ երեխա:
Ձեռնարկվում են միջոցառումներ մյուս ավտոմեքենաները ևս արգելափակումից դուրս բերելու համար: Ժամը 13.20-ի դրությամբ արգելափակումից դուրս է բերվել 2 ավտոմեքենա:
Կարդացեք նաև
Հրշեջ-փրկարարները շարունակում են ընթացքը դեպի Հնաբերդ գյուղ` արգելափակված ավտոմեքենաները դուրս բերելու համար:
Ժամը 14.08-ի դրությամբ Գեղաձոր-Հնաբերդ ավտոճանապարհից արգելափակումից դուրս է բերվել 4 ավտոմեքենա:
Ժամը 14.12-ին և 14.40-ին մի շարք քաղաքացիներից ահազանգեր են ստացվել, որ Բերքառատ և Ծաղկահովիտ գյուղերի ավոտճանապարհին նույնպես ավտոմեքենաներ են արգելափակվել ձնակույտի մեջ. անհրաժեշտ է օգնություն:
Ժամը 15.33-ին և ժ.16.27-ին հրշեջ-փրկարարները ավտոճանապարհի երթևեկելի հատված են դուրս բերել 8 ավտոմեքենա:
ԱԻՆ
