Ըստ նրա, մարդկանց չեն թողել գալ իրենց հետ հանդիպման:
Այսօր ՀՅԴ-ի քարոզարշավային հանդիպումը ոչ թե բակային էր, այլ՝ դահլիճային: Դաշնակցությանը տրամադրել էին Դավիթաշենի թիվ 189 դպրոցը:
Հաշվի առնելով, որ Րաֆֆի Հովհաննիսյանին նոր Հայաստանի կազմկոմիտեներ ստեղծելու քննարկումների համար մերժում են տարածքներ տրամադրել, Aravot.am-ը ՀՅԴ բյուրոյի անդամ Վահան Հովհաննիսյանից հետաքրքրվեց՝ Ձեզ հե՞շտ են տրամադրել այս դահլիճը: Նա պատասխանեց. «Չէ: Օրինակ մեծ դժվարությամբ, բայց ավելի լավ է տեղի մեր ընկերների հետ խոսել: Ես չգիտեմ ոնց է եղել, հարցրեցի ուրիշ՝ ավելի հարմար տեղ չկա՞ր, ասեցին՝ չտվեցին: Հիմա էլի լավ է, մենք դեմ չենք, պրոբլեմ չկա»: Մեր հարցին՝ հիմա էլ ձեզ կարո՞ղ է մեղադրեն կրթական օջախները քարոզարշավին ծառայեցնելու համար, Վահան Հովհաննիսյանը համաձայնեց. «Կմեղադրեն երեւի: Ի՞նչ անեմ»:
Վահան Հովհաննիսյանը նաեւ պատմեց, որ մինչ իրենց հանդիպումը կսկսեր, թաղային ակտիվները շրջել են դպրոցի տարածքով եւ փորձել են ցրել մարդկանց՝ թույլ չտալով հանդիպման գնալ ՀՅԴ-ի հետ: Մենք ճշտեցինք ՝թաղային հեղինակություննե՞ր են եղել, նա պատասխանեց. «Չեմ կարծում, որ հեղինակություններ են, որովհետեւ նույնիսկ սպառնալիքը գնում է, որ աշխատանքից կհեռացնեն, պետական ծառայող ես, ո՞ւր ես գնում սրանց լսես՝ ընդդիմադիրներին: Խոսքը գնում է պետական հիմնարկների մասին: Բայց նման բաները ցավոք սրտի շատ դժվար է ապացուցել»:
Կարդացեք նաև
Հռիփսիմե ՋԵԲԵՋՅԱՆ
