Ժամը 22-ի դրությամբ Արաբկիր վարչական շրջանում գտնվող թիվ 4/28 ընտրատեղամասում 1161 ընտրողներից ՀՀԿ-ի օգտին քվեարկել էր 168 մարդ, ԲՀԿ-ի օգտին՝ 61, «Առաքելություն» կուսակցության օգտին` 5, «Բարեւ Երեւան»-ին ձայն էր տվել 29 երեւանցի, «ՕԵԿ»-ի օգտին քվեարկել էր 11 մարդ, ՀՅԴ-ին ձայն էր տվել 15 քաղաքացի, Հայ ազգային կոնգրեսին՝ 28 մարդ:
Այս ընտրատեղամասում այդ ժամի դրությամբ ութ անվավեր քվեաթերթիկ կար, որոնցից մեկի վրա վիրավորանք էր գրված, երկու քվեաթերթիկ էլ անվավեր էին ճանաչվել, քանի որ ընտրողը բոլոր թեկնածուներին էլ կողմ էր քվեարկել: Այս ընտրատարածքի հանձնաժողովի նախագահ Սամվել Մանուկյանը այս առնչությամբ կատակեց՝ «Մարդը բոլորին էլ խոստացել է, խոստումը պահել է»:
Մյուս անվավեր քվեաթերթիկի վրա ընտրողն ավելացրել էր ութերորդ կետը եւ դիմացը գրել՝ «Իսան»:
Լուսինե ԲՈՒԴԱՂՅԱՆ
Կարդացեք նաև
