Հայաստանի նախագահի 2013թ. ընտրությանը հետևող ԵԱՀԿ/ԺՀՄԻԳ դիտորդական առաքելությունը հրապարակել է ընտրական վերջնական զեկույցը:
Զեկույցի առաջնահերթ առաջարկություններ բաժնում նշվում է, որ իշխանությունը պետք է միջոցներ ձեռնարկի ընտրությունների հանդեպ հանրային վստահությունը մեծացնելու համար:
Պետական պաշտոնյաները պետք է զերծ մնան վարչական ռեսուրսները չարաշահելուց, այդ թվում` իրենց աշխատողների և հասարակության:
Ընտրական հանձնաժողովները, իրավապահ մարմինները և դատարանները ընտրական իրավական դաշտը պետք է իրացնեն օրենքի տառին համապատասխան՝ ապահովելով ընտրական դերակատարների հավասարությունը:
Կարդացեք նաև
Իշխանությունները պետք է երաշխավորեն պետության և կուսակցության հստակ տարանջատման մեխանիզմները, որն ամրագրված է 1990թ. ԵԱՀԿ Կոպենհագենյան փաստաթղթի 5.4 պարբերությամբ
Իշխանություններին առաջարկվում է նախապատրաստել օրենսդրական անհրաժեշտ փոփոխությունները, որոնք կշոշափեն թե նախկինում, թե այժմ արված դիտողությունները։ Իսկ այդ փոփոխությունների հանրային քննարկումներին ապահովել շահագրգիռ բոլոր կողմերի մասնակցությունը, ներառյալ՝ քաղաքական կուսակցությունների և հանրային սեկտորի:
Պատրաստեց Հովհաննես ԻՇԽԱՆՅԱՆԸ
