Բացահայտվել է Իջեւան համայնքի ավագանու անդամ, գործարար Արտակ Խաչատրյանին պատկանող ոսկեղենի խանութից 2012թ. դեկտեմբերի լույս 25-ի գիշերը մոտ 50 միլիոն դրամ արժողությամբ ոսկյա եւ արծաթե զարդերի գողությունը: Այս գործով կալանավորվել է 1981թ. ծնված Գ. Ս.-ն, ով Իջեւան քաղաքի բնակիչ է, ծննդով Բերդի տարածաշրջանից, բնակվել է Ռուսաստանի Դաշնությունում: Նա նախկինում Ռուսաստանում դատապարտվել է:
Տավուշի մարզի դատախազությունից տեղեկացանք, որ պարզվել է այս հանցագործություն երկրորդ մասնակցի ինքնությունը, նա նույնպես Իջեւանի բնակիչ է՝ արմատներով Բերդի տարածաշրջանից: Գողոնը հայտնաբերված չէ, իրավապահներին հայտնի է գողացված ոսկե զարդերից մեկի գտնվելու վայրը:
Ոսկան ՍԱՐԳՍՅԱՆ
