Ղարաբաղ կոմիտեի անդամ Աշոտ Մանուչարյանը անհանգստել է՝ Զանգեզուրը անապատի է վերածվում:
«Փողի մոլուցքից խելքը կորցրած հայ իշխանավորը, հայ օլիգարխը վերացնում է իր երեխայի ապագան: Վաղը Զանգեզուրի աղբյուրներից ոչ ոք չի կարողանալու ջուր խմի: Այն երեխան, որ ջուրը խմելու է, վաղը անեծքով հիշելու է իր օլիգարխ, նախագահ պապիկին, որոնք իրենց հաստ հետույքները տեղավորելու համար վաճառեցին իրենց երեխաների ապագան, ոչնչացրին այն երկիրը, որ իրենց պապերը աչքի լույսի պես պահել են: Փողի մոլուցքով տարված մարդիկ այսօր վաճառում են Հայաստանը»,- այսօր Ազատության հրապարակում ազատամարտիկների ամենշաբաթյա հավաքի ժամանակ ասաց Աշոտ Մանուչարյանը: Հետո էլ քննադատեց եվրոպական արժեքները կարեւորողներին. «Ասում են Եվրոպա, Եվրոպայի արքայազն Չարլզն այստեղ եկավ, ո՞ւր գնաց՝ Ամուլսար, որովհետեւ այնտեղ ոսկի կա: Որտեղ ոսկի կա, այնտեղ համաշխարհային փողն է, ստորությունը… Հիմա էլ վաճառում են Ղարաբաղը: Ինչի՞ն է հասել այսօր այդ փողի մոլուցքով ուղեղը կորցրած մարդը, որ փողը սարքելու, ավելացնելու պահը մի վայրկյանով երկարացնելու համար բանաձեւ է առաջարկում՝ Արցախը Ռուսաստանին, Հայաստանը՝ Արեւմուտքին: Ամեն ինչ տանք, միայն թե Մի քիչ էլ շարունակենք այդ փողը սարքելը: Այս մարդիկ չունեն բանականություն, հոգի ամեն ինչ կորցրել են»:
Պարոն Մանուչարյանը նաեւ ասաց, որ սարսափել է, երբ տեղեկացել է, որ Հայաստանի նախագահը Վիլնյուսի գագաթաժողովին է հրավիրվել. «Թուղթ պետք է ստորագրի, դրանք գենդերից բացի ուրիշ ոչ մի բան չունեն գրելու, բացի Բոլոնյան ստոր համակարգով կրթական համակարգը ստորացնելուց ուրիշ բան չունեն»:
Աշոտ Մանուչարյանը հավաքի վերջում նաեւ ասաց՝ ժամանակն է, որ Հայաստանը հարձակման անցնի. «Հայաստանը վերականգնելու գործընթացն իրավունք չունենք անգամ ամիսներով հետաձգելու: Մենք պետք է գործենք անհապաղ: Ազատամարտը շարժվու է բոլոր բնակավայրերով, պետք ուժեղացնել պայքարը, պետք է ստեղծվի Հայաստան կոմիտե: Հայաստանը պետք է ոտքի կանգնի, անցնի հակահարվածի, հարձակման»:
Կարդացեք նաև
Արփինե ՍԻՄՈՆՅԱՆ
Հայաստան կոմիտեն ստեղծված է,՝ այն ՆԱԽԱԽՈՐՀՐԴԱՐԱՆՆ Է:
Հենց Վիլնյուսում պետք է գրագետ ներկայացնենք, մեր երկիրը թալանողների ով լինելը: Մեր տեղը,
այն ոչ ոք չի անի: Մերձբալթյան երկրներում ամենաքիչը՝ 10 հազար Հայ ընտանիք է բնակվում: ՄԻ՞
թե՛ մենք 10 մարդ չենք կարող այնտեղ ներկա լինել: Իսկ էլ որտե՞ղ է սփյուռքի աջակցությունը:
Գուցե և ժամանակն է սփյուռքին համախմբել, ինչպես համախմբվեցին Արցախը փրկելու ժամանակ:
Հիմա էլ Հայաստանը փրկելու ժամանակն է:
Վա՜յ,աստված իմ, էլի՞ էս «գենդերը»: Վե՛րջ տվեք. հերիք եղավ: