Ոսկու բիզնեսով զբաղվող սիրիահայ տնտեսվարողներն այսօր էկոմոնիկայի նախարարությունում գործարարների հետ կազմակերպված քննարկման ժամանակ հետաքրքրվեցին, թե չի՞ լինի իրենց զիջողություններ անեն, որպեսզի վաճառքի հանած զարդերը չհարգորոշեն, քանի որ մտադիր են վերադառնալ, իսկ Սասունցի Դավիթ հարգորոշման նշանով Սիրիայում խնդիրներ կունենան:
ՀՀ Էկոնոմիկայի նախարարության շուկայի վերահսկողության պետական տեսչության պետ Լեւոն Խալիկյանն ասաց, որ զիջել չեն կարող, քանի որ անհավասար պայմաններ կստեղծվեն ոսկու բիզնեսով զբաղվող այլ գործարարների նկատմամբ, բացի այդ հարգորոշումն օրենքի պահանջն է:
Պարոն Խալիկյանը սիրիահայ գործարարներին առաջարկեց ոչ թե ունեցած հազար օրինակն էլ հարգորոշել, այլ միայն վաճառքի հանվողը՝ տասը-քսան կտոր զարդը, հետո մյուս 10-20 կտորը:
Սիրիահայերը նախարարության պատասխանատուներից ժամանակ խնդրեցին, ինչին ի պատասխան, պարոն Խալիկյանն առաջարկեց հավաքվել եւ քննարկել:
Կարդացեք նաև
Լուսինե ԲՈՒԴԱՂՅԱՆ
