ՀՀ քրեական վերաքննիչ դատարանը սկսեց Ցեղակրոն կուսակցության առաջնորդ Շանթ Հարությունյանի պաշտպան Ինեսա Պետրոսյանի բողոքի քննությունը: Բողոքի քննությունն անցկացվում է դռնփակ ընթացակարգով:
Ինեսա Պետրոսյանը վիճարկում է նոյեմբերի 19-ի Կենտրոն եւ Նորք-Մարաշ վարչական շրջանների ընդհանուր իրավասության դատարանի որոշումը, որով որոշվել էր Շանթ Հարությունյանին փորձաքննություն անցկացնելու համար տեղափոխել հոգեբուժարան:
Ինեսա Պետրոսյանը պահանջել էր հարկադրանքի միջոցը վերացնել եւ նրան տեղափոխել հոգեբուժարանից:
Շանթ Հարությունյանին երեկ արդեն տեղափոխել են հոգեբուժարանից արդարադատության «Երեւան կենտրոն» մեկուսարան եւ մեր հարցին, թե այս դեպքում պաշտպանը ի՞նչ կարող է ասել, եթե նրա բողոքի պահանջը արդեն բավարարվել է, Ինեսա Պետրոսյանը պատասխանեց. «Պահանջել եմ, որպեսզի խախտումն արձանագրվի»:
Կարդացեք նաև
Ի դեպ, դատարանի մուտքի մոտ Aravot.am-ի լրագրողից բացի, որեւէ մեկը չկա:
Տեղեկացանք, որ Շանթ Հարությունյանի կինը ծանուցագիր է ստացել, որպեսզի Շանթը ներկայանա դատարան:
Ռուզան ՄԻՆԱՍՅԱՆ
Հիմա ում պետք է հոգեբուժական փորձաքննությայ ենթարկել`Շանթին,թե ծանուցագիր ուղարկող հիմնարկության աշխատակազմին?