Սահմանում այդ առթիվ կատարվել է հրավառություն
Դեկտեմբերի 20-ին Տավուշի մարզի հեռավոր, սահմանամերձ Բարեկամավան գյուղում վերջին 10 տարում 2-րդ հարսանիքն է եղել: Սահմանագոտում այդ առթիվ եղել է հրավառություն: Բարեկամավանցի Էդուարդ Միքայելյանն ամուսնացել է Նոյեմբերյանի տարածաշրջանի Լճկաձոր գյուղի բնակչուհի Սիլվա Բեջանյանի հետ: Հարսանիքի քավորը եղել է Բարեկամավանի գյուղապետ Գարիկ Աբազյանը: Ի դեպ, Բարեկամավանում վերջին հարսանիքը 3 տարի առաջ էր, երբ գյուղապետ Գարիկ Աբազյանը հարսնացու բերեց Մոսկվայից, ամուսնանալով տարիներ առաջ այնտեղ տեղափոխված իր համագյուղացու հետ:
Հայաստանի անկախանալուց հետո Բարեկամավանից մեծ արտագաղթ է եղել: 1970-ական թվականների կեսերին Բարեկամավանի ութամյա դպրոցն ուներ 330 աշակերտ, այժմ գյուղի միջնակարգ դպրոցում սովորում է 35 երեխա:
Կարդացեք նաև
Ոսկան ՍԱՐԳՍՅԱՆ
Սահմանամերձ Բարեկավանի բնակիչները բացարձակ հերոսներ են,պատկերացնում եք,եթե մարզը ունենար սրտացավ,բանիմաց ղեկավար,ով կարող էր ,,օտկատ,, անելուց զատ կառավարության առաջ ներկայացնել մարզի կարևոր խնդիրները,լուծեր դրանք՝ մեր մարզի նմանը չէր լինի, արտագաղթ չէր լինի,հարսանիքները շատ կլինեին,երեխաների մասին էլ չեմ ասում:
Քանի Տավուշը ղեկավարում է ակադեմիկոս մարզպետը իր ,,կիսագրագետ հավատարմատարների,, հետ,ոչ մի լավ բան չի կարող լինել:Խելացի մարդիկ գնալու են՝ավելի ճիշտ փախչելու են նրա կամայականությունների,ոչ իրավաչափ որոշումների,անգրագետներին առաջ տանելու հետևանքով:Եթե այսպես շարունակվի,շատ շուտով անգամ սահմանից հեռու բնակավայրերում մարդ չի մնա: